في الاستفتاءات عن تعديلات الدستور وإختلاف اللآراء حول الموافقة او عدم الموافقة علي هذه التعديلات، اول ظهور حقيقي للشعب المصري للتصويت بحرية ، ووداعًا للنسبة التي كانت مفروضه عليه (99.9%) ايام (الكوسة وغيرها من الخضروات)
ولكن ظهرت بعض الاشكال التي حاولت تشويه صوت الحرية والتقليل من الفرحة العارمة التي عمت علي وجوه المصريين الذين خرجوا للإدلاء بصوتهم ، سواء بالتخويف او بالكذب والاستغلال وأنقسموا الي فريقين او ثلاثة منهم من يدعوا الناس الي اختيار( موافق).، مستغلين اميتهم وعدم فهم هؤلاء الناس لحقائق الامور بقولهم (إختار موافق خلينا نستقر بقي وكفاية كدة) وذيول الحزب الوطني الذين قاموا بتسويد وتزوير ورق الانتخاب وجائوا بحبر سري مزيف (بيتمسح بالمية...جامد اوي الحبر ده)
و آخرين محاولين إقناع الناس بالموافقة حتي تظل مصر دولة إسلامية، بقولهم( أنتوا عاوزين يحكمنا كفرة وعلمانيين وليبراليين.....لو انتوا مسلمين بجد وافقوا علي التعديلات) مستغلين نص المادة الثانية من الدستور (طب ما انا والحمد لله مسلم ...أبقي كافر لو كنت غير موافق....؟ ده غير إني علي يقين كامل إن الناس دي مش فاهمة اصلاً يعني ايه علمانيين ولا ليبراليين حسسوا الناس أنهم كفرة وخوارج وصليبيين وتتار ) ، والفريق الثالث وللأسف منهم ناس مثقفة ومتعلمة قالوا أن الموافقة علي التعديلات الدستورية أقرب للإستقرار (طب قولي مين اللي ياخد وقت أكتر )
*في حالة الموافقة علي التعديلات
فإن الخطوات كالتالي :-
1. الإنتخابات البرلمانية
2. الإنتخابات الرئاسية
3. إنتخابات جمعية تأسيس الدستور الجديد
4. إستفتاء الشعب على الدستور الجديد
5. الإنتخابات البرلمانية (تاني لأن الدستور تم تغييرة)
6. الإنتخابات الرئاسية (تاني لأن الدستور تم تغييرة)
*اما في حالة رفض التعديلات الدستورية
1. إعلان دستوري وإنتخاب جمعية تأسيسية
2. إستفتاء الدستور الجديد
3. الإنتخابات البرلمانية
4. الإنتخابات الرئاسية
ياتري مين بقي اللي هيخلص الاول ........؟
"ودنك منين يا سلفي"
ليست هناك تعليقات:
إرسال تعليق